03 January 2006
Asompal lay piyesta. Ha??
SAYAN INDIO
Mario F. Karateka
SINGA anggapo -- kasla awan kuandaray Ilokano -- so apalabas a piyesta’y Dagupan, kuandaray totoo, tagadia man o dayo. Mas bongga nin arawdawi kuno so kapiyestaan ed arom iran baley.
Andi, agtayo tetetelen so hermano mayor a si Konsehal Alex de venecia ta kalamor ginawa to met so anggaay nayarian to, akasabi ingen anggad biek-taew pian ikampanya so ipawil daray Dagupenyon wadman diad siudad dan nianakan sanen Disyembre. Atakewan ni so kalamor a konsehal dimad Tarlak nen pasempet ladia ya akalugan ed pampasaheron bus, milyones so dengel kon kantidad ya imbatik o inaswit dad awit ton bag. Kuantomet ingen ya andi, agmet abalang o akapila ed bag ya inaswit so akolekta toran donasyon manlalapud Dagupenyos ed Estados Unidos ya naknakar to.
Say malas labat nen Alex de V et singa pinaolianan dan sikatoy bokbokor ya manmaneho na aktibidades ed piyesta, aliwan singa nen saman ya wadtan a akaantabay naynay iray arom ya opisyales tan hepes de departamentos.
Walay sakey Dagupenyon akatongtong ko et naplag konoy abagey tod impakanengneng tod Alex de V a nilabi-labi kono kalamor ya wadman ed plaza’y siyudad tayo ya begbegtew, manbokbokor, pangaskasian so awawey to, legan ya alagden toray akagetar ya mamaliket ed labi diman a pasen.
No akin met et nibanan nagsibakasyon met iray arom ya opisyales, kaibalay Bisi Mayor Albin Pirnandis. Si Meyor Bendyi et tuan angilukas na piyesta tan wadman met ed Lantern Parade balet arom niran bekta, singa agmomet naromog. Awey iray arom ya maseseg ya kakaibad Medya no nalmo da ta hinanting day BSL sanen bisperas na Pasko – odino si Butch Velasco na CIO la so angibonog na nepeg ya ibobonog, awey, agmi amtala.
Nipawil tayod si Mama Alex de V. Singa “one-man army” so agawad pablisiti na piyesta ingen kono ta ni anggapoy nagastos pian i-plug so aktibidades ed radyo.Walay sakey, duara amo labat a radyo ya pinilin pangianunsiyo-an, balet tua.kuantayo anggapoy nadngel mi.Asompal metla kalamor. Apalabas lay piyesta.
Say mairap nid saya, bangta onman ya daiset tan ginimperan so aktibidades et ompaway nin dakel so utang ya babayaran naani. Tapik yoy moling yo, agagi, no ontan, tan bansag tayon oningal na “harang!”
Mario F. Karateka
SINGA anggapo -- kasla awan kuandaray Ilokano -- so apalabas a piyesta’y Dagupan, kuandaray totoo, tagadia man o dayo. Mas bongga nin arawdawi kuno so kapiyestaan ed arom iran baley.
Andi, agtayo tetetelen so hermano mayor a si Konsehal Alex de venecia ta kalamor ginawa to met so anggaay nayarian to, akasabi ingen anggad biek-taew pian ikampanya so ipawil daray Dagupenyon wadman diad siudad dan nianakan sanen Disyembre. Atakewan ni so kalamor a konsehal dimad Tarlak nen pasempet ladia ya akalugan ed pampasaheron bus, milyones so dengel kon kantidad ya imbatik o inaswit dad awit ton bag. Kuantomet ingen ya andi, agmet abalang o akapila ed bag ya inaswit so akolekta toran donasyon manlalapud Dagupenyos ed Estados Unidos ya naknakar to.
Say malas labat nen Alex de V et singa pinaolianan dan sikatoy bokbokor ya manmaneho na aktibidades ed piyesta, aliwan singa nen saman ya wadtan a akaantabay naynay iray arom ya opisyales tan hepes de departamentos.
Walay sakey Dagupenyon akatongtong ko et naplag konoy abagey tod impakanengneng tod Alex de V a nilabi-labi kono kalamor ya wadman ed plaza’y siyudad tayo ya begbegtew, manbokbokor, pangaskasian so awawey to, legan ya alagden toray akagetar ya mamaliket ed labi diman a pasen.
No akin met et nibanan nagsibakasyon met iray arom ya opisyales, kaibalay Bisi Mayor Albin Pirnandis. Si Meyor Bendyi et tuan angilukas na piyesta tan wadman met ed Lantern Parade balet arom niran bekta, singa agmomet naromog. Awey iray arom ya maseseg ya kakaibad Medya no nalmo da ta hinanting day BSL sanen bisperas na Pasko – odino si Butch Velasco na CIO la so angibonog na nepeg ya ibobonog, awey, agmi amtala.
Nipawil tayod si Mama Alex de V. Singa “one-man army” so agawad pablisiti na piyesta ingen kono ta ni anggapoy nagastos pian i-plug so aktibidades ed radyo.Walay sakey, duara amo labat a radyo ya pinilin pangianunsiyo-an, balet tua.kuantayo anggapoy nadngel mi.Asompal metla kalamor. Apalabas lay piyesta.
Say mairap nid saya, bangta onman ya daiset tan ginimperan so aktibidades et ompaway nin dakel so utang ya babayaran naani. Tapik yoy moling yo, agagi, no ontan, tan bansag tayon oningal na “harang!”
