22 February 2006
OPINYON: Boksing nen Brian; ‘Poetry Café’ nen Mama Sonny V.
SAYAN INDIO
Mario F. Karateka
ANTOEY, di amemet lamet iray Mehikanos ed impakatalo na sakey lamet a kabaleyan da, si boksingeron Aguirre, ed lima nen ikikinon tayon Brian Villoria, tubod Ilokos balet manaayam lad Haway. Onaan lan ingorangor nen Manny ‘Pacman’ Pacquiao tayo si Mehikanon Erik Morales a tatawagen dan “El Terible’ dimad Las Vegas met.
Aliwan singa samay baleg ya preparasyon, impantalaran tan dasal ya inter ed si Pacquiao so agawad sayan laban nen Viloria. No sukaten bilang, singa kapaldua labat na kabaleg na atensiyon na Pilipino so niiter ed Viloria, komparad samay impibuntalan nen Pacquiao.
Balet, agtora pinabaingan so kadalaan toran Pinoy si Brian a inkabkabat dimad biek-taew bilang “The Hawaiian Punch”Matibay si Aguirre ta asabi day pigaran rawns balet sankanengneng met ya mas matibay tan maksil ya mamuntal si Ilokano Boy. Natan ni labat, walalaray promoters na boksing a mangibabagan pigara nin boksingeron Mehikano so isultada ed saray boksingeron Pinoy. Aliling toy panbubulangen so duaran bansa ed ring pian anto – antoniey, di pian ombaleg so pustaan tan makalmoy dakel iray “handlers” o maneegna ed sarayan isportsmin.
Ditanak agla bilib balet. Agni apaleenan, anggaponi limara, anemiran bulan, nitanlan pabugbog lamet iray lama-laman na boksingero na biek tan biek pian labat onyaman niy todo iray arom a masisibay kuarta. Eksploytasyon ya malinlinew!
Dakel ni so nibagak ed saya, balet ireserbak ed onsoblay iran kolum ko. Natan, lugayan tan itandoro tipa si Brian Viloria, say sankabaloan ya bayani na Ilokos tan Pilipinas.
* * * *
Maples so reaksiyon ya nala tonian Indio ed samay suriri ton usaren imay bakanten lote ya nanlapoan na Dagupena Restaurant diad A.B. Fernandez Avenue na Dagupan bilang sakey ya “drive-in theater”. Labay ton ibaga, sinean. Balet lukas iya, andiay tarong, tan saray walay luluganan (kotse, van, pik ap – pwera labat iray trak tan traysikel) et nayarin onloob, manbayar tan mansine ya aglara nepeg ompaway o onepas ed luganan da.
On, singa dimad Estados Unidos so kapara tonia.
Si Mama Sonny Villafania balet nan-emeyl ed sikatayo tan sananey so kanonotan ton ipasen ed ontan iran lugar: Poetry Café kuno. Sakey iyan pasen no iner saray “poets” tan arom iran “literary artists” et nayarin onladtan a manbasa na saray piyesa o anlong da ed arap na saray mankakape o mantotongtong iran parokyanos. Imbes a kansion o bibiin onsasayaw, anlong so iparengel ed kostumers.
“Midyo “class” ya bisnis balet nonot yo lay baleg a tulong to ed ibulaslas na culture tan arts tayo,” kuay kaaron Sonny.
Antoy kuanyod satan, Mama Jun Velasco, Butch Velasco, Huwes Yul Butuyan, Jimmy Lucas, Nick Melecio, Propesor Ernie Serote, Rhee Hortaleza, Dante Velasco, Ging Cardinoza, Carmen G. Claveria, Fred Macaraeg, Joe de Venecia tan arom niran managpanday na berso o managtalineng na insulat ya ey-ey?
Sayang tan namimiss tayoy manonaan ya maestro ed saya – si andilad bilay Armando R. Ravanzo, ontan met say kuya ton abogado Regino R. Ravanzo.
Mario F. Karateka
ANTOEY, di amemet lamet iray Mehikanos ed impakatalo na sakey lamet a kabaleyan da, si boksingeron Aguirre, ed lima nen ikikinon tayon Brian Villoria, tubod Ilokos balet manaayam lad Haway. Onaan lan ingorangor nen Manny ‘Pacman’ Pacquiao tayo si Mehikanon Erik Morales a tatawagen dan “El Terible’ dimad Las Vegas met.
Aliwan singa samay baleg ya preparasyon, impantalaran tan dasal ya inter ed si Pacquiao so agawad sayan laban nen Viloria. No sukaten bilang, singa kapaldua labat na kabaleg na atensiyon na Pilipino so niiter ed Viloria, komparad samay impibuntalan nen Pacquiao.
Balet, agtora pinabaingan so kadalaan toran Pinoy si Brian a inkabkabat dimad biek-taew bilang “The Hawaiian Punch”Matibay si Aguirre ta asabi day pigaran rawns balet sankanengneng met ya mas matibay tan maksil ya mamuntal si Ilokano Boy. Natan ni labat, walalaray promoters na boksing a mangibabagan pigara nin boksingeron Mehikano so isultada ed saray boksingeron Pinoy. Aliling toy panbubulangen so duaran bansa ed ring pian anto – antoniey, di pian ombaleg so pustaan tan makalmoy dakel iray “handlers” o maneegna ed sarayan isportsmin.
Ditanak agla bilib balet. Agni apaleenan, anggaponi limara, anemiran bulan, nitanlan pabugbog lamet iray lama-laman na boksingero na biek tan biek pian labat onyaman niy todo iray arom a masisibay kuarta. Eksploytasyon ya malinlinew!
Dakel ni so nibagak ed saya, balet ireserbak ed onsoblay iran kolum ko. Natan, lugayan tan itandoro tipa si Brian Viloria, say sankabaloan ya bayani na Ilokos tan Pilipinas.
* * * *
Maples so reaksiyon ya nala tonian Indio ed samay suriri ton usaren imay bakanten lote ya nanlapoan na Dagupena Restaurant diad A.B. Fernandez Avenue na Dagupan bilang sakey ya “drive-in theater”. Labay ton ibaga, sinean. Balet lukas iya, andiay tarong, tan saray walay luluganan (kotse, van, pik ap – pwera labat iray trak tan traysikel) et nayarin onloob, manbayar tan mansine ya aglara nepeg ompaway o onepas ed luganan da.
On, singa dimad Estados Unidos so kapara tonia.
Si Mama Sonny Villafania balet nan-emeyl ed sikatayo tan sananey so kanonotan ton ipasen ed ontan iran lugar: Poetry Café kuno. Sakey iyan pasen no iner saray “poets” tan arom iran “literary artists” et nayarin onladtan a manbasa na saray piyesa o anlong da ed arap na saray mankakape o mantotongtong iran parokyanos. Imbes a kansion o bibiin onsasayaw, anlong so iparengel ed kostumers.
“Midyo “class” ya bisnis balet nonot yo lay baleg a tulong to ed ibulaslas na culture tan arts tayo,” kuay kaaron Sonny.
Antoy kuanyod satan, Mama Jun Velasco, Butch Velasco, Huwes Yul Butuyan, Jimmy Lucas, Nick Melecio, Propesor Ernie Serote, Rhee Hortaleza, Dante Velasco, Ging Cardinoza, Carmen G. Claveria, Fred Macaraeg, Joe de Venecia tan arom niran managpanday na berso o managtalineng na insulat ya ey-ey?
Sayang tan namimiss tayoy manonaan ya maestro ed saya – si andilad bilay Armando R. Ravanzo, ontan met say kuya ton abogado Regino R. Ravanzo.
