27 December 2005
OPINYON: Wan handred Piso 4 X’mas
SAYAN INDIO
Mario F. Karateka
E, ANTOEY, asabila lamet so Krismas o Piyesta’y Inkianak, onong ed say abangonan tayon relihiyon.
Kumusta’y media noche yo ey? Kompleto tay pamilya? Akapasyar kayod baley ya binmantay ed say piyesta’y Dagupan? Agkayota mantayegteg ed betel no labi tan palbangon?
No “on” odino “olrayt, OK” so ebat yod saratan a tepet, sakey kayod mapalar iran pinalsa’y Ama ta apalabas tan alikna yo so ispirito na Krismas a, no manbilang et medyo makisir so panangan ed lamisaan, et masayaksak metni lamlamang ta walan manbibilaynid tapew na sayan mundo so inkasaysikayo.
Diad imbebeneg iran kolum na Sayan Indio, asaglawik layan topiko – ya ambetebetel, amagamaga so singa pamalabas tayo na Krismas na 2005. Amtak dakel so miayon ed satan ya obserbasyon ko ta sankalikas met.
Pakanengnengan? Lakadtan ed “mall”, no iner say duduplogen na totoon managsaliw et samay Wan Handred Piso (100 Peso) ya puesto no iner say sanlibo da et kamayamay lay nasaliw to. Sakey nin pakanengnengan? Masakbay lan onsesempet kalamor iray dakel ya dawntawn dyipni ta antoey, amta bisperas na Krismas natan (sabado so pangagawak ed sayan kolum) et sansakey labat so onlulugan aliwan singa imbebeneg iran bisperas ya karakel na lumulugan.
Labay yo ni sakey pruweba? Nimay lansones tan ubas ya nen imbebeneg et nasimot antis o bisperas na Pasko, natan akagaton o akasabit ya sansakey so makapangitepel a mangaliw ta kibili-bili met lanti, P150 anggad P180 kada kilo so patawal da. Di maong lan isaliw day pigaran order na pansit tekepay Coke litro naksel niy intiron pamilya, awa, Bret Bert?
Mario F. Karateka
E, ANTOEY, asabila lamet so Krismas o Piyesta’y Inkianak, onong ed say abangonan tayon relihiyon.
Kumusta’y media noche yo ey? Kompleto tay pamilya? Akapasyar kayod baley ya binmantay ed say piyesta’y Dagupan? Agkayota mantayegteg ed betel no labi tan palbangon?
No “on” odino “olrayt, OK” so ebat yod saratan a tepet, sakey kayod mapalar iran pinalsa’y Ama ta apalabas tan alikna yo so ispirito na Krismas a, no manbilang et medyo makisir so panangan ed lamisaan, et masayaksak metni lamlamang ta walan manbibilaynid tapew na sayan mundo so inkasaysikayo.
Diad imbebeneg iran kolum na Sayan Indio, asaglawik layan topiko – ya ambetebetel, amagamaga so singa pamalabas tayo na Krismas na 2005. Amtak dakel so miayon ed satan ya obserbasyon ko ta sankalikas met.
Pakanengnengan? Lakadtan ed “mall”, no iner say duduplogen na totoon managsaliw et samay Wan Handred Piso (100 Peso) ya puesto no iner say sanlibo da et kamayamay lay nasaliw to. Sakey nin pakanengnengan? Masakbay lan onsesempet kalamor iray dakel ya dawntawn dyipni ta antoey, amta bisperas na Krismas natan (sabado so pangagawak ed sayan kolum) et sansakey labat so onlulugan aliwan singa imbebeneg iran bisperas ya karakel na lumulugan.
Labay yo ni sakey pruweba? Nimay lansones tan ubas ya nen imbebeneg et nasimot antis o bisperas na Pasko, natan akagaton o akasabit ya sansakey so makapangitepel a mangaliw ta kibili-bili met lanti, P150 anggad P180 kada kilo so patawal da. Di maong lan isaliw day pigaran order na pansit tekepay Coke litro naksel niy intiron pamilya, awa, Bret Bert?
