13 December 2005
OPINYON: Agaylay palar na San Fabian!
SAYAN INDIO
Mario F. Karateka
DITAD San Fabian manaya, dimad kabasil na PTA Resort, no iner maawa-awang so dalin daray Perez tan arom niran mayayaman, walay singa 35 ektaryan asaliw na sakey negosyante ya natan et paalageyan (ed limaran ektarya labat na intiron 35 ektarya) na baleg a resort o ligliwan-painawaan na saray walay pakayarin mangaliw o mangabang.
Tawagen dayan San Fabian Beach Villas.
Anggaponi so nengneng to natan balet lapud talagan walay pakayari daray totoon walad beneg tonian proyekto, ilaloan yon kasompal na pigay bulan o sakey taon labat walaladtan so alay dakep ya paraiso.
Diad tuay tua say tawag dad satan a banda et Paraiso ni Ana; awey labat no akin et ontan so tawag na say lakin walan makankayarian na satan a baleg a dalin. Say kabat labat na karaklan et asingger met ed tagey so akankayarian niya.
Masyadoy ibubulaslas na baley na San Fabian tan naituring ya mapalar iray onlugar tan ontan met saray opisyales dadauloan nen Meyor Mojamito Libunao ta anggan aglara mangastos ed promosyon o pangikabkabat na baley da et nakabkabat met la iya panamegley na saray angkabaleg ya “investors” o managpoonan ya laba-labay day wadtan a manpainawa ed gilig na dayat sakop na San Fabian. Makalmo ira, makalmo met so baley ed buis da.
Tongtongey tua, walay baleg a bentahe daray bal-baley ya walad gilig na dayat ta natural so atraksiyon da ed totoo – tan managpoonan.
Insan, duman-duma met no say manonaan ya “agent” o managlakom parad lugar mo et singa kalibre tan indengan nen Ispiker Dyo de Benesya ta lanti sakop to iya so komapat a distrito. Nagkalaotla sirin no sakey agew bigla labatlan magmaliw iyan Praym Minister tayo.
Mario F. Karateka
DITAD San Fabian manaya, dimad kabasil na PTA Resort, no iner maawa-awang so dalin daray Perez tan arom niran mayayaman, walay singa 35 ektaryan asaliw na sakey negosyante ya natan et paalageyan (ed limaran ektarya labat na intiron 35 ektarya) na baleg a resort o ligliwan-painawaan na saray walay pakayarin mangaliw o mangabang.
Tawagen dayan San Fabian Beach Villas.
Anggaponi so nengneng to natan balet lapud talagan walay pakayari daray totoon walad beneg tonian proyekto, ilaloan yon kasompal na pigay bulan o sakey taon labat walaladtan so alay dakep ya paraiso.
Diad tuay tua say tawag dad satan a banda et Paraiso ni Ana; awey labat no akin et ontan so tawag na say lakin walan makankayarian na satan a baleg a dalin. Say kabat labat na karaklan et asingger met ed tagey so akankayarian niya.
Masyadoy ibubulaslas na baley na San Fabian tan naituring ya mapalar iray onlugar tan ontan met saray opisyales dadauloan nen Meyor Mojamito Libunao ta anggan aglara mangastos ed promosyon o pangikabkabat na baley da et nakabkabat met la iya panamegley na saray angkabaleg ya “investors” o managpoonan ya laba-labay day wadtan a manpainawa ed gilig na dayat sakop na San Fabian. Makalmo ira, makalmo met so baley ed buis da.
Tongtongey tua, walay baleg a bentahe daray bal-baley ya walad gilig na dayat ta natural so atraksiyon da ed totoo – tan managpoonan.
Insan, duman-duma met no say manonaan ya “agent” o managlakom parad lugar mo et singa kalibre tan indengan nen Ispiker Dyo de Benesya ta lanti sakop to iya so komapat a distrito. Nagkalaotla sirin no sakey agew bigla labatlan magmaliw iyan Praym Minister tayo.
