02 November 2005
OPINYON: Palinewan
SAYAN INDIO
Mario F. Karateka
SALAMAT ta akapantalosan metla amo irayay Deparsmin op Pablik Werks and Haywis (DPWH) dadauloan nen Inhinyero Pidel Hinis diad Rehiyon Unio (Ilokos) tan si natan beteranolad politika a Meyor Bendyi Saplan Lim na Dagupan (anggaman saya manonad amin et sakey a negosyante). Nen imbeneg a simba labat et akapantoyaw laraya tan bulos ya imbesngaw nen BSL so liknaan tod si Indyiner Hines – a samay dalan ya gagaweendadtan ed bandad Lucao ya onsuldong komon ed De Benesya Haywey pian nakompleto so tatawagen nen Ispiker Dyo ya “circumferential road” na Dagupan et agto amo natotonton so onaan ya paknaan o disenyo.
No nanonotan nankompleyn si meyor ta singa isasabidametla amo kono so konstruksiyon na dalan dimad paonlad CSI The Siti Mol ya kayarian nen karibal tod bisnis a Bilin Pirnandis. No onman so nagawa, sankanengneng ya nabenepisyoan a baleg so CSI ta magmaliw iman a dalan ya duga-rugad olsoran na CSI.
Kuay BSL, aliwan satan balet so rason na isusunggay tod gagaween na DPWH no agsay ta lapud mas babaleg a pondo so kaukulan na gobyerno no parokeyen so walan likoan na dalan dimad ombutaw ed bandadmani na Lucao imbes a dimad bandad NelArs subdivision la ya bandadia labat ed wangalan o “intersection” mismo na de Venecia
Haywi. Baleg met iman a puntos nen BSL ingen ta mas melag so kaoren na gobyernon pondo.
Ompapaway manayan anggaman singa paonlalad CSI a tua imay dalan, agmetni talagan pinal ya diman so laento. Inikdan nen Hines si meyor na tsansan nakonsiderametni so kerew to. Walan gaween kono so sananey nin pan-aral na disenyo tan saya et isumiti lamet dimad DPWH Sentral, say Byuru op Disayn da, pian diman desiyonan no antoy mas magmaong parad gobyerno.
En pirnis ed si Indyiner Hinis, agto manaya amta itay agawan paknaan da di Inhinyera Tangco (na DPWH) met tan si BSL nipaaakar ed samay mas antiktikey ya pangisuldongan na dalan ed NelArs. Kakapanegna to kono na proyekto sanen mantapos so 2004 tan agto amta iman a talusan, anggad saya natan labat nen nginmikngik si Meyor Lim.
Komon ta ols wil dat ens wil lad sayan tsapter … tan napaspasan la so proyekto.
Ta ni maatap lay panaoy politikadia. Ompan nasorani itan so pondo to no alimbawan namaniobra si inadaron JDV tan sakey a Petsay so naikday ponget ed Kamara.
Aleg pa komon. Talimokor tayon amin, kaibaratay aso tan pusa yoradtan!
Labay tayoy Petsay… no satan et ipising labat. Antoy kuanmod satan Mama Rudi Istrada?
Mario F. Karateka
SALAMAT ta akapantalosan metla amo irayay Deparsmin op Pablik Werks and Haywis (DPWH) dadauloan nen Inhinyero Pidel Hinis diad Rehiyon Unio (Ilokos) tan si natan beteranolad politika a Meyor Bendyi Saplan Lim na Dagupan (anggaman saya manonad amin et sakey a negosyante). Nen imbeneg a simba labat et akapantoyaw laraya tan bulos ya imbesngaw nen BSL so liknaan tod si Indyiner Hines – a samay dalan ya gagaweendadtan ed bandad Lucao ya onsuldong komon ed De Benesya Haywey pian nakompleto so tatawagen nen Ispiker Dyo ya “circumferential road” na Dagupan et agto amo natotonton so onaan ya paknaan o disenyo.
No nanonotan nankompleyn si meyor ta singa isasabidametla amo kono so konstruksiyon na dalan dimad paonlad CSI The Siti Mol ya kayarian nen karibal tod bisnis a Bilin Pirnandis. No onman so nagawa, sankanengneng ya nabenepisyoan a baleg so CSI ta magmaliw iman a dalan ya duga-rugad olsoran na CSI.
Kuay BSL, aliwan satan balet so rason na isusunggay tod gagaween na DPWH no agsay ta lapud mas babaleg a pondo so kaukulan na gobyerno no parokeyen so walan likoan na dalan dimad ombutaw ed bandadmani na Lucao imbes a dimad bandad NelArs subdivision la ya bandadia labat ed wangalan o “intersection” mismo na de Venecia
Haywi. Baleg met iman a puntos nen BSL ingen ta mas melag so kaoren na gobyernon pondo.
Ompapaway manayan anggaman singa paonlalad CSI a tua imay dalan, agmetni talagan pinal ya diman so laento. Inikdan nen Hines si meyor na tsansan nakonsiderametni so kerew to. Walan gaween kono so sananey nin pan-aral na disenyo tan saya et isumiti lamet dimad DPWH Sentral, say Byuru op Disayn da, pian diman desiyonan no antoy mas magmaong parad gobyerno.
En pirnis ed si Indyiner Hinis, agto manaya amta itay agawan paknaan da di Inhinyera Tangco (na DPWH) met tan si BSL nipaaakar ed samay mas antiktikey ya pangisuldongan na dalan ed NelArs. Kakapanegna to kono na proyekto sanen mantapos so 2004 tan agto amta iman a talusan, anggad saya natan labat nen nginmikngik si Meyor Lim.
Komon ta ols wil dat ens wil lad sayan tsapter … tan napaspasan la so proyekto.
Ta ni maatap lay panaoy politikadia. Ompan nasorani itan so pondo to no alimbawan namaniobra si inadaron JDV tan sakey a Petsay so naikday ponget ed Kamara.
Aleg pa komon. Talimokor tayon amin, kaibaratay aso tan pusa yoradtan!
Labay tayoy Petsay… no satan et ipising labat. Antoy kuanmod satan Mama Rudi Istrada?
