26 October 2005
OPINYON:Buking!
SAYAN INDIO
Mario F. Karateka
MAKAPALEK lawari so paway na Hunta Probinsiyal (sangguniang panlalawigan) ed samay kerew na Numbers Numbers Company, Inc, nipaakar ed pamakurang komon na Loterya ng Bayan (LNB) diad Pangasinan. Maong labat ta walan naimbitaan da imay mangilalaman na Pilipin Tsariti Swipistik Opis dimad agawan komiti hiring na sanggunian, si Miss Earneli Dancel, ya akapangipaliwawa ya anggapo ni manaya so too o grupon anombraan odino binidbirla na PCSO ya mangipakurang na loterya ed anggan iner man a pasen ed bansa.
Walanin pantotongtongan labat odino paniksperimentoan ni labat manaya so onian loterya, onong ed PCSO, kanian mankelaw a tuloy imay biin opisyal na PCSCO noakin ibabagay Numbers Numbers Co. Inc, panamegley nen Rolando Dee na Mangaldan ya say grupo ra et walaan lay akredistasyon ed PCSO. Imbaga nin akaona na Numbers Numbers Co., Inc ya say Pangasinan so komaduan pasen ed bansa, akaonalay Makati City, no iner gaween so onaan a bola na loterya.
No tua tan walay letnegan na imbagay PCSO dimad komite hiring, walay misrepresentasyon sirin ya agawa ed sulat na NNCI ed hunta probinsiyal a bengat-bengat met ya inisponsoran nen Bord Mimber Emmanuel “Manoy” Carancho. Singa apalikdo lawari sirin so saray mapagalang ya opisyales na luyag.
Puwera labatlay Gobernador Biktor Agbayani a tampol ya angikuan ya ag nayarin gaween so Pangasinan ya paniksperimentoan ed satan a legal a sugal. “Sali yolaray arom a probinsiya,” kuay Mama Biktor ya insalitaan nen Probinsiyal Administrador ton si Boy Solis.
Agmet amo talagan makalusot so Loterya ng Bayan ta niman a pati si Bord Mimber Anghel Baniked et nanriserts metla manaya tan nalmoan ton say akarehistron linyay bisnis tonian kompanya et aliwan say pamakurang na loterya no ag ingen sananey ni.
Naldis si Dee na Mangaldan! No bilang galaw a “baseball” et ag aka-“first base” so Loterya ta pati si Manoy Karantso et biglan inmatras ed panisponsor to na panggaway eksperimenton galaw ed Pangasinan. Antoey di, did en da water, a kuandaray Kano.
Say aliketan a maong ed saya balet et si Arsobispo Oskar Krus ta singa insultometlan maong ed sikato lanti no sikaton mismon numero unon kalabay jueteng et diad solar to, aliling to,so kianakan na balon sibong na jueteng a tatawagen dan Loterya ng Bayan.
Agtayo kasisiguro balet met ta saray basalyos na sugal et tuloy-tuloy so pannononot da na medyos pian nabilay so sugal ya pakakalmoan daray masisilib tan masisiba iran opisyales.
Mario F. Karateka
MAKAPALEK lawari so paway na Hunta Probinsiyal (sangguniang panlalawigan) ed samay kerew na Numbers Numbers Company, Inc, nipaakar ed pamakurang komon na Loterya ng Bayan (LNB) diad Pangasinan. Maong labat ta walan naimbitaan da imay mangilalaman na Pilipin Tsariti Swipistik Opis dimad agawan komiti hiring na sanggunian, si Miss Earneli Dancel, ya akapangipaliwawa ya anggapo ni manaya so too o grupon anombraan odino binidbirla na PCSO ya mangipakurang na loterya ed anggan iner man a pasen ed bansa.
Walanin pantotongtongan labat odino paniksperimentoan ni labat manaya so onian loterya, onong ed PCSO, kanian mankelaw a tuloy imay biin opisyal na PCSCO noakin ibabagay Numbers Numbers Co. Inc, panamegley nen Rolando Dee na Mangaldan ya say grupo ra et walaan lay akredistasyon ed PCSO. Imbaga nin akaona na Numbers Numbers Co., Inc ya say Pangasinan so komaduan pasen ed bansa, akaonalay Makati City, no iner gaween so onaan a bola na loterya.
No tua tan walay letnegan na imbagay PCSO dimad komite hiring, walay misrepresentasyon sirin ya agawa ed sulat na NNCI ed hunta probinsiyal a bengat-bengat met ya inisponsoran nen Bord Mimber Emmanuel “Manoy” Carancho. Singa apalikdo lawari sirin so saray mapagalang ya opisyales na luyag.
Puwera labatlay Gobernador Biktor Agbayani a tampol ya angikuan ya ag nayarin gaween so Pangasinan ya paniksperimentoan ed satan a legal a sugal. “Sali yolaray arom a probinsiya,” kuay Mama Biktor ya insalitaan nen Probinsiyal Administrador ton si Boy Solis.
Agmet amo talagan makalusot so Loterya ng Bayan ta niman a pati si Bord Mimber Anghel Baniked et nanriserts metla manaya tan nalmoan ton say akarehistron linyay bisnis tonian kompanya et aliwan say pamakurang na loterya no ag ingen sananey ni.
Naldis si Dee na Mangaldan! No bilang galaw a “baseball” et ag aka-“first base” so Loterya ta pati si Manoy Karantso et biglan inmatras ed panisponsor to na panggaway eksperimenton galaw ed Pangasinan. Antoey di, did en da water, a kuandaray Kano.
Say aliketan a maong ed saya balet et si Arsobispo Oskar Krus ta singa insultometlan maong ed sikato lanti no sikaton mismon numero unon kalabay jueteng et diad solar to, aliling to,so kianakan na balon sibong na jueteng a tatawagen dan Loterya ng Bayan.
Agtayo kasisiguro balet met ta saray basalyos na sugal et tuloy-tuloy so pannononot da na medyos pian nabilay so sugal ya pakakalmoan daray masisilib tan masisiba iran opisyales.
