11 October 2005
OPINYON: ‘Martial Law’:tua o taktakot?
SAYAN INDIO
Mario F. Karateka
ANGGAMAN dakel so mangibabaga tan dakel so mapaga ya ompan ipaakseb kono nen Presidente GMA so “martial law” o ley militar ed bansa diad arap na ag ontondan pamabalaw ed oley to, singa agakni manisian gaween na anak nen Cong Dadong so ontan, tan ipawil to itayon amin a Pilipinos ed andeket tan andiay wayang ya punto na istoryay Pilipinas a singa nen kaksilay rehimen nen Perdinan Markos.
No gaween nen Nana Gloria itan, ya iter toy poder ed saray militar pian manoley ed bilay tan kiwas-sibil tayo, amtaton as italikepkep odino akmonen na Pilipino itan. Anengneng lay agaw nen ipaakseb nen Markos so Proklamasyon 1081; anggaman diad gapo dakel so inmoonor ed takot dan nakulong o naerel, ag abayag pinmapaway laray boses na onsusunggay ed ley-militar.
Agtila nepeg istoryaen diay apalabas ta sikatayoran henerasyon amta tayon maong anggad natan so dinalan tayo nen nan “martial law” diad bansa.
Lalon pepepetan o kakapotan mo, lalon marlang so panpilalek ya makaokbar ed impantaker mod kawayangan na totoo.
Diad sakey dapag met, kaukulan na Gobyerno lanti ya pareenen so bansa pian naipasompal so saray proyekto tan programa parad pankaabigay amin. Panon met lantin makakurang so gobyerno o administrasyon no puro sangga, sapo, dukot, iwas so gagaween tola ed arap na mantotombokan a tirada na kalaban ed say saya? No paolianan to met tan ag mandepensa, ompan bigla labatlan nabat-tog. Say “self-preservation” et natural itan ya reaksiyon ed antokaman a pinalsa, ayep man o too.
Saksakey labat so nepeg ya ipurek ed saray mano-oley no manbilang walan tuay plano mangipaakseb na “emergency rule” a tatawagen: Ikday pankanawnawa nin siansia ya maka-ebat iray akusado ed suston kurang na hustisya, walay abogado ra, walay piyansa, walay kapenegan da ni ya arapen tan ebatan so manga-akusa (indibidwal man o Estado mismo) ed sikara. No nakal itan ya “basic” odino sankaimportantean ya parte na demokrasya, anggapoy dudan ley na diktadorya la so mana-ari tan mambilang labat na panaon so ontan a oley antis ya satan et labanan tan ipolisay na ombaley.
Ta anggan say militar ya nayarin agamilen na sakey ya administrasyon ed pangontrol tod kiwas na totoo et nasabisabin sikato mismo so nakonsensiya ed nagagawa tan sikatola mismo so onikban tan onlaban.
No agawad impansampot na panaon nen Marcos, nagawa itan anggan anton panaon.
Mario F. Karateka
ANGGAMAN dakel so mangibabaga tan dakel so mapaga ya ompan ipaakseb kono nen Presidente GMA so “martial law” o ley militar ed bansa diad arap na ag ontondan pamabalaw ed oley to, singa agakni manisian gaween na anak nen Cong Dadong so ontan, tan ipawil to itayon amin a Pilipinos ed andeket tan andiay wayang ya punto na istoryay Pilipinas a singa nen kaksilay rehimen nen Perdinan Markos.
No gaween nen Nana Gloria itan, ya iter toy poder ed saray militar pian manoley ed bilay tan kiwas-sibil tayo, amtaton as italikepkep odino akmonen na Pilipino itan. Anengneng lay agaw nen ipaakseb nen Markos so Proklamasyon 1081; anggaman diad gapo dakel so inmoonor ed takot dan nakulong o naerel, ag abayag pinmapaway laray boses na onsusunggay ed ley-militar.
Agtila nepeg istoryaen diay apalabas ta sikatayoran henerasyon amta tayon maong anggad natan so dinalan tayo nen nan “martial law” diad bansa.
Lalon pepepetan o kakapotan mo, lalon marlang so panpilalek ya makaokbar ed impantaker mod kawayangan na totoo.
Diad sakey dapag met, kaukulan na Gobyerno lanti ya pareenen so bansa pian naipasompal so saray proyekto tan programa parad pankaabigay amin. Panon met lantin makakurang so gobyerno o administrasyon no puro sangga, sapo, dukot, iwas so gagaween tola ed arap na mantotombokan a tirada na kalaban ed say saya? No paolianan to met tan ag mandepensa, ompan bigla labatlan nabat-tog. Say “self-preservation” et natural itan ya reaksiyon ed antokaman a pinalsa, ayep man o too.
Saksakey labat so nepeg ya ipurek ed saray mano-oley no manbilang walan tuay plano mangipaakseb na “emergency rule” a tatawagen: Ikday pankanawnawa nin siansia ya maka-ebat iray akusado ed suston kurang na hustisya, walay abogado ra, walay piyansa, walay kapenegan da ni ya arapen tan ebatan so manga-akusa (indibidwal man o Estado mismo) ed sikara. No nakal itan ya “basic” odino sankaimportantean ya parte na demokrasya, anggapoy dudan ley na diktadorya la so mana-ari tan mambilang labat na panaon so ontan a oley antis ya satan et labanan tan ipolisay na ombaley.
Ta anggan say militar ya nayarin agamilen na sakey ya administrasyon ed pangontrol tod kiwas na totoo et nasabisabin sikato mismo so nakonsensiya ed nagagawa tan sikatola mismo so onikban tan onlaban.
No agawad impansampot na panaon nen Marcos, nagawa itan anggan anton panaon.
