04 October 2005
OPINYON: Isusublay daray atornis tan huwes
SAYAN INDIO
Mario F. Karateka
MAPAGALARAY kakaaro tayon abogados tan ingen pati saray galgalangen iran mahistradoy korte odino saray huwes. Ni, mantomba met larayan disipulos na ley tan oksoy ed sosyedad. Say singa mensahed saya et anggapolay antakot daray managpatey – pati mismon ley et itotopay-topay dala, palpaltogen dala.
Nen manbaktar iray peryodista odino saray walad medya, say singa ibabagay arom et lapu konod masyadon abusado laray Medya. Kanian igu-gud dara. Nilooban datan ya trabaho, di alageyan da, kuandaray kritikod Medya. Diad sakey a dapag, tua met iman. No agmo sarag so petang ed kusina, arawika, ekal ka.
Nen walamay tiempon saray meyors odino opisyales na baley so kitongilang lapud bala diad Pangasinan, walaramay totoon mangibabagan inani da labat kono so duknal ya ginagawa dad saray kabaleyan da. Sinmabilay bales, kuay arom
Balet natan ta saray kabalyeros na ley mismo – abogados tan huwes –so napapaonong, medyo namamawmawan iray totoo. Aliwa laya, kuanda, laotla ed say impamatey nen imbeneg a simba ed si biin Huwes Estrellita Paas na Pasay City Ridyonal Trayal Kort.
Makapasinagem a tuloy. Wadmanla kalamor ed arawin baley na Natividad si Huwes Paas, mamabakasyon, onong ed say riport na polis, diman ni tinigway so bilay to ed loob na abong to.
Peligro, maatap lan maong so panaon. Tan lalon onkakasil so linawa daray maoges-walnan totoo – on, saray kriminal o bayaran ya managpatey – ed kada kason ag nasolb na Pilipin Nasyonal Polis (PNP). Siyempre no samay kriminal et ag narel, librela lamet a mangawat na onsoblay a kontratan pamatey na anggan siopaman.
Kaskasian metlayay Hepe na PNP, si Direktor-Heneral Arturo Lomibao, a kabaleyan tayo (taga Mangaldan) ya puro pilalamay lad saray ompapatey ya medya, abogados tan huwes so gaween to legan na administrasyon to.
Kasian yopay boss yo, PNP, tan solb yolaratay kaskasodtan.
Magmamaliw la laingen a propesyonal a milalamay (professional mourner) lay Hepe Arturo. Maong labat ta tinondaan tolay kakatugyop na samay paboriton ton “task force” no kada walay natigway a bilay ed Medya.
*****
Amasyar lamet sanen karoman (Sabado) si Nana Gloria dimad paborito ton “grotto” o dasalan ed Rosales. “Low-key” odino anggapoy dakel ya preparasyon – anggapo ingen so pakabat ed Medya – ta onong ed Malakanyang pribado man ya biyahe to.
Ditan met lagi manga-alay kasil to ya onarap ed krisis so Presidenta.
Dengel ko balet a siansian impilit na saray kaalyados to diad Pangasinan ya mitoyaw ed si GMA diman anggan pigpigay oras labat so imbayag to antis ya amawil ed obong to dimad Palasyo. Dimad “farm” nen Kongrisman Gener Tulagan ginaway impamaugto. Awey labat no akapangan si Nana Gloria… ta arawid samay paborito ton akanan a salanti say Matutina’s ditad Bonuan.
Mario F. Karateka
MAPAGALARAY kakaaro tayon abogados tan ingen pati saray galgalangen iran mahistradoy korte odino saray huwes. Ni, mantomba met larayan disipulos na ley tan oksoy ed sosyedad. Say singa mensahed saya et anggapolay antakot daray managpatey – pati mismon ley et itotopay-topay dala, palpaltogen dala.
Nen manbaktar iray peryodista odino saray walad medya, say singa ibabagay arom et lapu konod masyadon abusado laray Medya. Kanian igu-gud dara. Nilooban datan ya trabaho, di alageyan da, kuandaray kritikod Medya. Diad sakey a dapag, tua met iman. No agmo sarag so petang ed kusina, arawika, ekal ka.
Nen walamay tiempon saray meyors odino opisyales na baley so kitongilang lapud bala diad Pangasinan, walaramay totoon mangibabagan inani da labat kono so duknal ya ginagawa dad saray kabaleyan da. Sinmabilay bales, kuay arom
Balet natan ta saray kabalyeros na ley mismo – abogados tan huwes –so napapaonong, medyo namamawmawan iray totoo. Aliwa laya, kuanda, laotla ed say impamatey nen imbeneg a simba ed si biin Huwes Estrellita Paas na Pasay City Ridyonal Trayal Kort.
Makapasinagem a tuloy. Wadmanla kalamor ed arawin baley na Natividad si Huwes Paas, mamabakasyon, onong ed say riport na polis, diman ni tinigway so bilay to ed loob na abong to.
Peligro, maatap lan maong so panaon. Tan lalon onkakasil so linawa daray maoges-walnan totoo – on, saray kriminal o bayaran ya managpatey – ed kada kason ag nasolb na Pilipin Nasyonal Polis (PNP). Siyempre no samay kriminal et ag narel, librela lamet a mangawat na onsoblay a kontratan pamatey na anggan siopaman.
Kaskasian metlayay Hepe na PNP, si Direktor-Heneral Arturo Lomibao, a kabaleyan tayo (taga Mangaldan) ya puro pilalamay lad saray ompapatey ya medya, abogados tan huwes so gaween to legan na administrasyon to.
Kasian yopay boss yo, PNP, tan solb yolaratay kaskasodtan.
Magmamaliw la laingen a propesyonal a milalamay (professional mourner) lay Hepe Arturo. Maong labat ta tinondaan tolay kakatugyop na samay paboriton ton “task force” no kada walay natigway a bilay ed Medya.
*****
Amasyar lamet sanen karoman (Sabado) si Nana Gloria dimad paborito ton “grotto” o dasalan ed Rosales. “Low-key” odino anggapoy dakel ya preparasyon – anggapo ingen so pakabat ed Medya – ta onong ed Malakanyang pribado man ya biyahe to.
Ditan met lagi manga-alay kasil to ya onarap ed krisis so Presidenta.
Dengel ko balet a siansian impilit na saray kaalyados to diad Pangasinan ya mitoyaw ed si GMA diman anggan pigpigay oras labat so imbayag to antis ya amawil ed obong to dimad Palasyo. Dimad “farm” nen Kongrisman Gener Tulagan ginaway impamaugto. Awey labat no akapangan si Nana Gloria… ta arawid samay paborito ton akanan a salanti say Matutina’s ditad Bonuan.
