18 October 2005
OPINYON: Bak to 1972?
Sayan Indio
Mario F. Karateka
SINGA abilay lamet ed nonot ko imay panaon antis ya impaakseb nen Makoy so “martial law” ed bansa, on, aramay bulan antis na Setyembre 1972 (sigepaladtan gis may eyds), nen anengneng kod TV so impanbobombay danom ed saray raliyista dimad Manila kaibalay datin Bise Presidente Teofisto Guingona, si datin gobernador tayod Pangasinan Oscar Orbos, si Senadora Jamby Madrigal tan pati saray obispos tan papari.
Makmaksil ya imahen parad saray internasyonal iran medya so saman ya eksena nen apoyopoyot irarayan personalidad, ya pati samay payrtrak ya nanlapoay maksil ya bugay danom et nalad kamera.
Ontan so pigura nen datin Don Joaquin “Chino” Roces sanen wadman ya onaarap ed saray puwersay rehimen nen Presidente Marcos ed pegley na karsada na Mendiola dimad Manila, sakey a masiken ya anggapoy kalaban-laban tod maksil ya puwersay danom ya impapaarap dad sikara pian buyaken so rali na saray sunggay ed ley nen Marcos.
Ibabagay Gobyerno ya walay riport ya naawat ton alooban odino na-inpiltreyt na saray maka-kawigi (leftist) iman so rali, anggaman saya et imbalap ya sakey a prosesyon relihiyoso pian idasal so kareenan parad bansa. Kanian onmanla kono so pilit dan ag padalanen iray raliyista ya paonlad sakey ya eskuelaan komon no iner diman mansampot so rali da. Asingger met lantila iman a pasen ed Malakanyang kanian mapaga iray kapolisan.
Kuantoniay Ka Orbos ed teks mesedyis tora kasompal na insidente et onia: “We will win this one for the people!” Labay ton ibaga, si “Pare” (nen Mare Winnie Monsod) et anggapolay dakel ya pakiyeme de paamot no anto so liknaan ton tua ed isyu na pansiansia nen nana Gloria. Sabagay, diad sarayan panaon, kaukulan met a tuay pananalindegan ed prinsipyo. Sikatoy prinsipyo to, kanian libre met ya ilaban to itan.
Magulolan maong so Pilipinas natan. No walay mangibori ed satan et anggapolay mata tan layag to siguro.
Parad siak a sakey labat et agko nanenengneng so ideen na bilay politikaldiad bansa anggan onsabi so Krismas. No aliling to et asugatan lay biek tan biek , kanian ansakit, anagasang tan andi-ebas lay laban anggad kasampotan.
Bendisyonan pay Manamalsa so Pilipinas natan!
* * *
Insan nia lamet a isasali da ya ikday kasalat a sugal so jueteng ed panemegley na tatawagen a Loterya ng Bayan (LNB) ya kono et egnaan na sakey korporasyon a akakabit ed Pilipin Tsariti Swipistiks Opis, say Numbers Numbers Inc. Pinilipili danin pangigapoan ed eksperimenton pasugal et say Pangasinan – ya luyag na manonaan ya kalaban na jueteng, si Arsobispo Oscar Cruz.
Karakel na probinsiya, akin et Pangasinan ni?
Singa akalmoy tampol ya suporta iyan Loterya ta tampol ya inaksiyonan na saray walad hunta probinsiyal, panamegley nen Bord Mimber Manoy Karantso, so sulat nen Rolando Dee na Mangaldan, say probinsiyal koordineytor na sayan balon sugal. Walan gaween so pandengel ed komento na publiko ed sayan iloob na balon sugal. No pabor, mangawan tampol na resolusyon so konseho ya mangiabuloy ed saya.
Singa sabit balet natan ed beklew so posisyon nen Gobernador Victor Agbayani ta imbaga tolan agto labay ya gaween itan ya eksperimenton sugal ed luyag to.
Say tepet a baleg natan et onia: Nakombinsi to kasi iray miyembro na sanggunian ed posisyon to, odino. . .sikato so nakombinsi ra naani?
Bantayan!
Mario F. Karateka
SINGA abilay lamet ed nonot ko imay panaon antis ya impaakseb nen Makoy so “martial law” ed bansa, on, aramay bulan antis na Setyembre 1972 (sigepaladtan gis may eyds), nen anengneng kod TV so impanbobombay danom ed saray raliyista dimad Manila kaibalay datin Bise Presidente Teofisto Guingona, si datin gobernador tayod Pangasinan Oscar Orbos, si Senadora Jamby Madrigal tan pati saray obispos tan papari.
Makmaksil ya imahen parad saray internasyonal iran medya so saman ya eksena nen apoyopoyot irarayan personalidad, ya pati samay payrtrak ya nanlapoay maksil ya bugay danom et nalad kamera.
Ontan so pigura nen datin Don Joaquin “Chino” Roces sanen wadman ya onaarap ed saray puwersay rehimen nen Presidente Marcos ed pegley na karsada na Mendiola dimad Manila, sakey a masiken ya anggapoy kalaban-laban tod maksil ya puwersay danom ya impapaarap dad sikara pian buyaken so rali na saray sunggay ed ley nen Marcos.
Ibabagay Gobyerno ya walay riport ya naawat ton alooban odino na-inpiltreyt na saray maka-kawigi (leftist) iman so rali, anggaman saya et imbalap ya sakey a prosesyon relihiyoso pian idasal so kareenan parad bansa. Kanian onmanla kono so pilit dan ag padalanen iray raliyista ya paonlad sakey ya eskuelaan komon no iner diman mansampot so rali da. Asingger met lantila iman a pasen ed Malakanyang kanian mapaga iray kapolisan.
Kuantoniay Ka Orbos ed teks mesedyis tora kasompal na insidente et onia: “We will win this one for the people!” Labay ton ibaga, si “Pare” (nen Mare Winnie Monsod) et anggapolay dakel ya pakiyeme de paamot no anto so liknaan ton tua ed isyu na pansiansia nen nana Gloria. Sabagay, diad sarayan panaon, kaukulan met a tuay pananalindegan ed prinsipyo. Sikatoy prinsipyo to, kanian libre met ya ilaban to itan.
Magulolan maong so Pilipinas natan. No walay mangibori ed satan et anggapolay mata tan layag to siguro.
Parad siak a sakey labat et agko nanenengneng so ideen na bilay politikaldiad bansa anggan onsabi so Krismas. No aliling to et asugatan lay biek tan biek , kanian ansakit, anagasang tan andi-ebas lay laban anggad kasampotan.
Bendisyonan pay Manamalsa so Pilipinas natan!
* * *
Insan nia lamet a isasali da ya ikday kasalat a sugal so jueteng ed panemegley na tatawagen a Loterya ng Bayan (LNB) ya kono et egnaan na sakey korporasyon a akakabit ed Pilipin Tsariti Swipistiks Opis, say Numbers Numbers Inc. Pinilipili danin pangigapoan ed eksperimenton pasugal et say Pangasinan – ya luyag na manonaan ya kalaban na jueteng, si Arsobispo Oscar Cruz.
Karakel na probinsiya, akin et Pangasinan ni?
Singa akalmoy tampol ya suporta iyan Loterya ta tampol ya inaksiyonan na saray walad hunta probinsiyal, panamegley nen Bord Mimber Manoy Karantso, so sulat nen Rolando Dee na Mangaldan, say probinsiyal koordineytor na sayan balon sugal. Walan gaween so pandengel ed komento na publiko ed sayan iloob na balon sugal. No pabor, mangawan tampol na resolusyon so konseho ya mangiabuloy ed saya.
Singa sabit balet natan ed beklew so posisyon nen Gobernador Victor Agbayani ta imbaga tolan agto labay ya gaween itan ya eksperimenton sugal ed luyag to.
Say tepet a baleg natan et onia: Nakombinsi to kasi iray miyembro na sanggunian ed posisyon to, odino. . .sikato so nakombinsi ra naani?
Bantayan!
