14 September 2005
OPINYON: Say kompisal daray obispo
SAYAN INDIO
Mario F. Karateka
SIKATOLATAY kuanko et, no angawat kay kuartad makilot ya nanlapoan, walan-walay panaon ompawil itan pian guloen toka. Sayay nagagawad bansa tayo natan no iner agmola amtay panisiaan mod biek tan biek, no siopay mangibabagay katua-an tan no siopay mamapalikdo, asabilan pati saray obispo tan papari na simbaan et napipilanlanor lad gutgotan.
Angawat kono na kuartan parad mamairap manlalapud Pilipin Amyusmint en Geyming Korporesyon (Pagcor) so pigaran atagey betang ya Obispo manonaan lay Monsinyor Fernando Capalla na Davao, Monsinyor Ricardo Cardinal Vidal na Cebu tan Monsinyor Paciano Aniceto na Pampanga. Sanlasus libo (P100,000) anggad limanlasus libo (P500.000) so inter ya aginaldod Krismas kono ed saray opisyales na Simbaan Katoliko
Nanonotan ya sarayan obispos et singa maasingger so liknaan dad si Presidente Arroyo tan ingen singa tinestigoan dan mardeen tan malinis so agawan eleksiyon nen 2004 ed luga-lugar da.
Singa nayarin ilaloan tayo, say Arsobispo na Lingayen-Dagupan a si Monsinyor Oscar Cruz et ag apilanlanor ed satan. Sikatoy sankasibegan ya kalaban na sugal laotlay jueteng kanian siguro no diad salitan bulgar, sikato et ag asingger ed patogan o arawid kusina. Si Cruz natan so sarag ton manetel ed saray kakaiba ton papari ed ontan lan abulgar ya pangaawat day kuarta na Pagcor.
“Dirty money is not laundered clean by its mere application for religious and/or charitable purposes,” (Say marutak a kuarta et ag nayarin naipesak tan nalinisan panamegley na panusar ed saya parad simbaan tan parad saray payabol), kuanen Arsobispo Cruz -- a tutukuyen to so panooras-lima na saray kapara ton arsobispo ya mangibabagan inusar met kono so palabon inter na Pagcor parad proyektoy simbaan ed saray mamairap-bilay.
Mikasakeyak ed ontan a posisyon nen arsobispo tan manisia ak ed pananalindegan to.
Agmet kulang na utek irayan opisyales na Simbaan pian agda amta o natebek ya say sugal et marutak, akin minonong o minabang irad saya? Anggapoy dinmiwit ed kawali ya ag naoringan, ontan so naynay ya ipupurek daray mangagaway korapsiyon ed antokaman a opisina o ahensiya, singa pandyastipay dad pakakadiwit odino pangaawat na pasuksok ed saray kliyentes da.
Malas labat na saray akinonong ed Pagcor ta singara natan nabablakmil na saray totoo na administrasyon. Agak mankelaw no onsoblay iran agew et mangipaway lay Katolik Bisyaps Komperens op da Pilipins na balo tan mas marandanet a sirkular pian paleksaben lay GMA. Ta siyempre, apabaingan met ira lanti.
Ontan natan so Pilipinas tayon Inararo! Ketket moak ta ibaknot takamet.
Mario F. Karateka
SIKATOLATAY kuanko et, no angawat kay kuartad makilot ya nanlapoan, walan-walay panaon ompawil itan pian guloen toka. Sayay nagagawad bansa tayo natan no iner agmola amtay panisiaan mod biek tan biek, no siopay mangibabagay katua-an tan no siopay mamapalikdo, asabilan pati saray obispo tan papari na simbaan et napipilanlanor lad gutgotan.
Angawat kono na kuartan parad mamairap manlalapud Pilipin Amyusmint en Geyming Korporesyon (Pagcor) so pigaran atagey betang ya Obispo manonaan lay Monsinyor Fernando Capalla na Davao, Monsinyor Ricardo Cardinal Vidal na Cebu tan Monsinyor Paciano Aniceto na Pampanga. Sanlasus libo (P100,000) anggad limanlasus libo (P500.000) so inter ya aginaldod Krismas kono ed saray opisyales na Simbaan Katoliko
Nanonotan ya sarayan obispos et singa maasingger so liknaan dad si Presidente Arroyo tan ingen singa tinestigoan dan mardeen tan malinis so agawan eleksiyon nen 2004 ed luga-lugar da.
Singa nayarin ilaloan tayo, say Arsobispo na Lingayen-Dagupan a si Monsinyor Oscar Cruz et ag apilanlanor ed satan. Sikatoy sankasibegan ya kalaban na sugal laotlay jueteng kanian siguro no diad salitan bulgar, sikato et ag asingger ed patogan o arawid kusina. Si Cruz natan so sarag ton manetel ed saray kakaiba ton papari ed ontan lan abulgar ya pangaawat day kuarta na Pagcor.
“Dirty money is not laundered clean by its mere application for religious and/or charitable purposes,” (Say marutak a kuarta et ag nayarin naipesak tan nalinisan panamegley na panusar ed saya parad simbaan tan parad saray payabol), kuanen Arsobispo Cruz -- a tutukuyen to so panooras-lima na saray kapara ton arsobispo ya mangibabagan inusar met kono so palabon inter na Pagcor parad proyektoy simbaan ed saray mamairap-bilay.
Mikasakeyak ed ontan a posisyon nen arsobispo tan manisia ak ed pananalindegan to.
Agmet kulang na utek irayan opisyales na Simbaan pian agda amta o natebek ya say sugal et marutak, akin minonong o minabang irad saya? Anggapoy dinmiwit ed kawali ya ag naoringan, ontan so naynay ya ipupurek daray mangagaway korapsiyon ed antokaman a opisina o ahensiya, singa pandyastipay dad pakakadiwit odino pangaawat na pasuksok ed saray kliyentes da.
Malas labat na saray akinonong ed Pagcor ta singara natan nabablakmil na saray totoo na administrasyon. Agak mankelaw no onsoblay iran agew et mangipaway lay Katolik Bisyaps Komperens op da Pilipins na balo tan mas marandanet a sirkular pian paleksaben lay GMA. Ta siyempre, apabaingan met ira lanti.
Ontan natan so Pilipinas tayon Inararo! Ketket moak ta ibaknot takamet.
