23 September 2005
OPINYON: Baleg a ordinansa, dagdaiset balet so akabasa?
SAYAN INDIO
Mario F. Karateka
SIGURO, agmet natetel a tua yay kaaro tayon Senyor Robert Erfe Mejia na Pablik Order en Septi Opis (POSO) no ipasumpal toy ley, say balon ordinansa trapiko parad pinasimbalon “day coding system” na Dagupan, anggaman dakel so reklamo na draybers ya kulang kono so pakabat no kapigan inmepekto so asalitan ordinansa.
Si Mama Robert met lanti et igagangan labat na baley pian ipasompal ed totoo so atibokel iran regulasyones. Onia, mas o menos, so ebat nen REM nen tinawagan nen editor tayon BFH pian palinewen so ingongot tan ey-ey daray draybers nipaakar ed bigla (kono) ya impaneerel na POSO ed sikara ta manlapula nen Setyembre 8 anta tatalaranan day publikasyon na ordinans ed lokal iran dyrayo et anggapomet (kono) so abasa ra.
Duara ed taloran mankokompleyn ya draybers (sakey Downtown tan sakey Bonuan Boquig) ed kinen editor Behn mi et mangibabagan amta damet ya ipablis ni antis ya onepekto so ley, kanian ilaloan dan ibagamet ed sikara no kapigan tan no iner nipablis o niperyodiko so asalitan ordinansa – pian amta dan bilangen so agew kono tan nakabat do no kapigan onepektola.
Anggapomet kono so abasa ra.
Panon to tan natan ey, ta ineerel dalara tan panmumultaen na sanlibo sanlasus lapud pinmasadarad oras ya walanid paway na oras ya nigetar na ordinansa. “Ansakit a tuloy itay libon multa, “ kuandaray aboridon narel ya draybers.
Kuay Mama Robert na POSO balet, ag kinmulang so opisina ra ed abiso ed saray presidente na olopan o grupos na saray draybers – anggaman aminado met ya agdalara tinipon o miniting so amin a draybers tan opereytors dia ya manbilang na talon libo, onsolok ag onkulang. Arom a salita, impalimad saray presidentes na asosasyon daranian draybers so pangipakabat ed kapigan onepekto so ordinansa.
Nen impanlupaan kono nen Mama Robert so presidente na moyongay sakey grupo na draybers tan saray miyembro-draybers tora lapud sayan mismon kompleyn, say buwelta na presidente asosasyon kono et saramay manrereklamo et agira ondadagup ed miting kanian agda amtay nagagawa. Naksit ka balong!
Parad say siak met, walanin siansia so nankulangay gobyerno siyudad – atensiyon sanggunian panlungsod – ta no akin et amta kabat dan baleg so importansiya tonian ordinansa ta lapu lanti walay “penal clause” to odino multan getar ya makaapektod saray dakel a totoo (draybers) – saksakey so angipablisan dan dyaryo (o anggan duara ni) ed satan a ley.
Nepeg ta masyadon makaapektod publiko lanti, pinalaknab dani komon so publikasyon to ed anggan limara o anemiran dyaryo ni. Ag nipasompal so tuan getma na ley parad suston pakabat ta say agawa limitado labat so akabasa ed saman a ordinansa.
Say suririk: Isuspendi ni komon na sanggunian so saman ya ley tan abuluyan ya walay nagawan mas malaknab ya impormasyon pian agmet agrabyado iray kabaleyan ya draybers tan opereytors. Lorey ka tay nilibon multa ay, kasian yoray maniirap, agagi!
Mario F. Karateka
SIGURO, agmet natetel a tua yay kaaro tayon Senyor Robert Erfe Mejia na Pablik Order en Septi Opis (POSO) no ipasumpal toy ley, say balon ordinansa trapiko parad pinasimbalon “day coding system” na Dagupan, anggaman dakel so reklamo na draybers ya kulang kono so pakabat no kapigan inmepekto so asalitan ordinansa.
Si Mama Robert met lanti et igagangan labat na baley pian ipasompal ed totoo so atibokel iran regulasyones. Onia, mas o menos, so ebat nen REM nen tinawagan nen editor tayon BFH pian palinewen so ingongot tan ey-ey daray draybers nipaakar ed bigla (kono) ya impaneerel na POSO ed sikara ta manlapula nen Setyembre 8 anta tatalaranan day publikasyon na ordinans ed lokal iran dyrayo et anggapomet (kono) so abasa ra.
Duara ed taloran mankokompleyn ya draybers (sakey Downtown tan sakey Bonuan Boquig) ed kinen editor Behn mi et mangibabagan amta damet ya ipablis ni antis ya onepekto so ley, kanian ilaloan dan ibagamet ed sikara no kapigan tan no iner nipablis o niperyodiko so asalitan ordinansa – pian amta dan bilangen so agew kono tan nakabat do no kapigan onepektola.
Anggapomet kono so abasa ra.
Panon to tan natan ey, ta ineerel dalara tan panmumultaen na sanlibo sanlasus lapud pinmasadarad oras ya walanid paway na oras ya nigetar na ordinansa. “Ansakit a tuloy itay libon multa, “ kuandaray aboridon narel ya draybers.
Kuay Mama Robert na POSO balet, ag kinmulang so opisina ra ed abiso ed saray presidente na olopan o grupos na saray draybers – anggaman aminado met ya agdalara tinipon o miniting so amin a draybers tan opereytors dia ya manbilang na talon libo, onsolok ag onkulang. Arom a salita, impalimad saray presidentes na asosasyon daranian draybers so pangipakabat ed kapigan onepekto so ordinansa.
Nen impanlupaan kono nen Mama Robert so presidente na moyongay sakey grupo na draybers tan saray miyembro-draybers tora lapud sayan mismon kompleyn, say buwelta na presidente asosasyon kono et saramay manrereklamo et agira ondadagup ed miting kanian agda amtay nagagawa. Naksit ka balong!
Parad say siak met, walanin siansia so nankulangay gobyerno siyudad – atensiyon sanggunian panlungsod – ta no akin et amta kabat dan baleg so importansiya tonian ordinansa ta lapu lanti walay “penal clause” to odino multan getar ya makaapektod saray dakel a totoo (draybers) – saksakey so angipablisan dan dyaryo (o anggan duara ni) ed satan a ley.
Nepeg ta masyadon makaapektod publiko lanti, pinalaknab dani komon so publikasyon to ed anggan limara o anemiran dyaryo ni. Ag nipasompal so tuan getma na ley parad suston pakabat ta say agawa limitado labat so akabasa ed saman a ordinansa.
Say suririk: Isuspendi ni komon na sanggunian so saman ya ley tan abuluyan ya walay nagawan mas malaknab ya impormasyon pian agmet agrabyado iray kabaleyan ya draybers tan opereytors. Lorey ka tay nilibon multa ay, kasian yoray maniirap, agagi!
