10 August 2005
OPINION: No ag nasipor iray iskwater, irap lan paeren
SAYAN INDIO
Nen Mario F. Karateka
ANGGAN mansorbi laran mansorbi na gili-gilig na dayat pian paeren kono so probleman iskwaters, anggapoy pakanengneng kon epektibo so antokaman a programay gobyerno lokal tan say Deparsmin op Enbayronmint en Natyural Risorsis ed saya no ag tekepan na malet tan maples ya aksiyon so idarakel daranian iskwaters.
Insan labat onaksiyon iray otoridades no piga-pigaralay nipaalagey ditad gilig na dayat o il-ilog; singa bulag-telek iray opisyales anggan walalaray riport ya kesyo si ontan a pulano o si ontan a taga-biek-taew et mangipapaalagey na mansion tolad isesebel a pasen.
Ansakit ya ibaga ia balet walan walay opisyal ya pinononong daray opisyales a singa saray walad DENR mismo tan anggan saray walad lokal gobyerno kanian onialan mandakel imbes a nababawasan iray iligal ya istraktoradtan.
“Survey” kuay gobyerno.
Niman kan samay otit ya sorbi da et nen taon 2000 tan nalmoan konon walaay anem libon iskwaters ed luyag tan ontan met anem libon iskwaters ed Dagupan, kaibalaray wadtad gilig na rilis na tren. Bay da taym nasompal da so ibabalap dan balon “survey” natan – siguro abuten toy Taon 2007 itan – ompan samplo anggad labinduan libo laray iskwaters ed dalin publiko.
Agan tlaga ontonda iray andiay abong ya mananap na pasen publiko ya pangipaalageyan day abong, natural labat itan, tan no maletey so panagbantay na gobyerno, tan patuloy ya manpaolian iray ahensiya tan mangawat na pasuksok so manag-aproba na permit odino mabulos so panangiter na “exemption”, ag napatonda so iskwating ed dalin publiko.
Singa tilabat manlolokoan ed satan.
Amen?
Nen Mario F. Karateka
ANGGAN mansorbi laran mansorbi na gili-gilig na dayat pian paeren kono so probleman iskwaters, anggapoy pakanengneng kon epektibo so antokaman a programay gobyerno lokal tan say Deparsmin op Enbayronmint en Natyural Risorsis ed saya no ag tekepan na malet tan maples ya aksiyon so idarakel daranian iskwaters.
Insan labat onaksiyon iray otoridades no piga-pigaralay nipaalagey ditad gilig na dayat o il-ilog; singa bulag-telek iray opisyales anggan walalaray riport ya kesyo si ontan a pulano o si ontan a taga-biek-taew et mangipapaalagey na mansion tolad isesebel a pasen.
Ansakit ya ibaga ia balet walan walay opisyal ya pinononong daray opisyales a singa saray walad DENR mismo tan anggan saray walad lokal gobyerno kanian onialan mandakel imbes a nababawasan iray iligal ya istraktoradtan.
“Survey” kuay gobyerno.
Niman kan samay otit ya sorbi da et nen taon 2000 tan nalmoan konon walaay anem libon iskwaters ed luyag tan ontan met anem libon iskwaters ed Dagupan, kaibalaray wadtad gilig na rilis na tren. Bay da taym nasompal da so ibabalap dan balon “survey” natan – siguro abuten toy Taon 2007 itan – ompan samplo anggad labinduan libo laray iskwaters ed dalin publiko.
Agan tlaga ontonda iray andiay abong ya mananap na pasen publiko ya pangipaalageyan day abong, natural labat itan, tan no maletey so panagbantay na gobyerno, tan patuloy ya manpaolian iray ahensiya tan mangawat na pasuksok so manag-aproba na permit odino mabulos so panangiter na “exemption”, ag napatonda so iskwating ed dalin publiko.
Singa tilabat manlolokoan ed satan.
Amen?
* * * *
Naimano yotala saray angkabaleg iran pigura ed sayay magotgot ya kipapasen ed nasyonal a eksena natan et wadtan ya Pangalatok – o manugang na Pangasinan --viray manonaan. Si FVR, si Joe de V, si Garcillano, si Arsobispo Cruz, si Heneral Art Lomibao, si Heneral Hermogenes Ebdane tan arom niran nalilingwanan ko labat natan.
Puwera ni si GMA mismo ya apo na Pangasinan.
Impanbabana na kapalaran irayan personalidad pian nagawa so antokaman a nagawa, onong ed akagetar ed senyales na Pilipinas. Et no onelet nin onelet so gotgotan, tan talagan anapen si manaamot ya “Garci” nayarin pati si Imigresyon Komisyoner a kabaleyan tayon Al Fernandez so napilanlanor ditan.
Makapakelaw balet a saray natitilak iran kongresista tayod Pangasinan --Celeste, Espino, Tulagan, Cojuangco tan Estrella – et singa ag ompipigura ed dapag na “pro” odino “anti”. Labay kon ibaga agira mangibalikas na talagan liknaan da.
Manatalineng .. odino manpiplising? Pian antokaman so kasompalan toni naani et agira masyadon naluyakan odino nasinit.?
Ditan ko idayew iyay Meyor Bendyi Saplan Lim. Anggan antoy pawayan tonian gulo, imbalikas, imporek tan insigbat tolad pader so posisyon to. Atan so laki. Atan so lider.
Puwera ni si GMA mismo ya apo na Pangasinan.
Impanbabana na kapalaran irayan personalidad pian nagawa so antokaman a nagawa, onong ed akagetar ed senyales na Pilipinas. Et no onelet nin onelet so gotgotan, tan talagan anapen si manaamot ya “Garci” nayarin pati si Imigresyon Komisyoner a kabaleyan tayon Al Fernandez so napilanlanor ditan.
Makapakelaw balet a saray natitilak iran kongresista tayod Pangasinan --Celeste, Espino, Tulagan, Cojuangco tan Estrella – et singa ag ompipigura ed dapag na “pro” odino “anti”. Labay kon ibaga agira mangibalikas na talagan liknaan da.
Manatalineng .. odino manpiplising? Pian antokaman so kasompalan toni naani et agira masyadon naluyakan odino nasinit.?
Ditan ko idayew iyay Meyor Bendyi Saplan Lim. Anggan antoy pawayan tonian gulo, imbalikas, imporek tan insigbat tolad pader so posisyon to. Atan so laki. Atan so lider.
