16 August 2005
OPINION: Mas marakep nin talaga so day coding
SAYAN INDIO
Mario F. Karateka
DIAD kasampotan, say pankaabigay baley – laotlaray lumulugan tan opereytors na luluganan pampubliko – so naikday lugar ed siyudad na Dagupan.
Say tutukuyen ko et say impangaproba na Konseho Ciudad ed samay ordinansad trapiko ya mangipasompal na samay tatawagen a”Modfied Day Coding System” o mas kabkabat ed tawag a “Odd-Even Traffic Scheme.”
Impireg na konseho so mas lablalaby lawari na saray draybers laotlaray kabiangay Piston (Pinagisang Samahan ng mga Tsuper at Operators Nationwide) ya “Card System” ya sinali met na siyudad nen akaonan parte na taon antis na panlukas na iskuela balet akaani na dakel ya negatibon komento aliwalabatlad saray lumulugan no ag ingen pati diad saray draybers mismo.
Pigaran miting tan pablik hiring met so ginawa ed no antoy sankarakpan ya sistemay trapikod siudad tan angipresenta met so Piston na papel ton onsusunggay ed Modified Day Coding System ed saray konsehales tan say Pablik Order en Septi Opis (POSO). Imbagaran diad say card system maminliman telek ed dawtawan iray dyip da balet diad silong na Day Coding, labindua anggad labinliman telek so dyip paneknek konon mas makakabelat na trapiko so Day Coding.
Inkuandani ya diad card, sakey agew labat iran manpainawa balet duay agew ed day coding labay ton ibaga duay agew iran andiay anap parad pamilya da komparad sanagew labat ya panmeneng da no card. Dakel niray dalatdat dan kakapoyan na “day coding system” nen otit ya impanmiting sanen Hulyo 25 pati say mas pakagasgas kono na bokel o dalig da tan say “change oil”, puwera niy maabak konod gasolina so “day coding” ta maminpigan telek so dyip lanti.
Makapakelaw balet agda kinablit so pakakalmo da.
Onong ed si Mr. Robert Erfe-Mejia, mas baleg so nanaalmoan na draybers ed day coding nen say card system – ta siyempre met, no mas dakel so liber o telek da, mas dakel so nailugan dan pasaheros tan siyempre mas baleg so anap. Akin balet et saray opereytors ibabagaran daiset so intriga na draybers no day-coding ey?
Ah, kinuwenta la nen Mr. Mejia so almo kada telek tan onliligadad P700 anggad sanlibo sanagew manaya ed regular ya napnon dyipni, inekal lay gasolina. No mas melag nen satan so iyiintriga na draybers, nepeg mansukait laray opereytors sirin.
Mario F. Karateka
DIAD kasampotan, say pankaabigay baley – laotlaray lumulugan tan opereytors na luluganan pampubliko – so naikday lugar ed siyudad na Dagupan.
Say tutukuyen ko et say impangaproba na Konseho Ciudad ed samay ordinansad trapiko ya mangipasompal na samay tatawagen a”Modfied Day Coding System” o mas kabkabat ed tawag a “Odd-Even Traffic Scheme.”
Impireg na konseho so mas lablalaby lawari na saray draybers laotlaray kabiangay Piston (Pinagisang Samahan ng mga Tsuper at Operators Nationwide) ya “Card System” ya sinali met na siyudad nen akaonan parte na taon antis na panlukas na iskuela balet akaani na dakel ya negatibon komento aliwalabatlad saray lumulugan no ag ingen pati diad saray draybers mismo.
Pigaran miting tan pablik hiring met so ginawa ed no antoy sankarakpan ya sistemay trapikod siudad tan angipresenta met so Piston na papel ton onsusunggay ed Modified Day Coding System ed saray konsehales tan say Pablik Order en Septi Opis (POSO). Imbagaran diad say card system maminliman telek ed dawtawan iray dyip da balet diad silong na Day Coding, labindua anggad labinliman telek so dyip paneknek konon mas makakabelat na trapiko so Day Coding.
Inkuandani ya diad card, sakey agew labat iran manpainawa balet duay agew ed day coding labay ton ibaga duay agew iran andiay anap parad pamilya da komparad sanagew labat ya panmeneng da no card. Dakel niray dalatdat dan kakapoyan na “day coding system” nen otit ya impanmiting sanen Hulyo 25 pati say mas pakagasgas kono na bokel o dalig da tan say “change oil”, puwera niy maabak konod gasolina so “day coding” ta maminpigan telek so dyip lanti.
Makapakelaw balet agda kinablit so pakakalmo da.
Onong ed si Mr. Robert Erfe-Mejia, mas baleg so nanaalmoan na draybers ed day coding nen say card system – ta siyempre met, no mas dakel so liber o telek da, mas dakel so nailugan dan pasaheros tan siyempre mas baleg so anap. Akin balet et saray opereytors ibabagaran daiset so intriga na draybers no day-coding ey?
Ah, kinuwenta la nen Mr. Mejia so almo kada telek tan onliligadad P700 anggad sanlibo sanagew manaya ed regular ya napnon dyipni, inekal lay gasolina. No mas melag nen satan so iyiintriga na draybers, nepeg mansukait laray opereytors sirin.
