31 August 2005
OPINION: Kapuso tan Kapamilya
SAYAN INDIO
Nen Mario F. Karateka
NO agkayoni manisian malet tan malaknab so “laban” daraniay duaran higanten kompanyay telebisyon ed bansa, say GMA 7 tan ABS-CBN, nengneng yo labat so impanpalyagan daranian dua ed sayay impansampot na simba.
Akaonan tua ya angibawag na isabiy Serbisyong Totoo to iyay GMA 7 ta pigay simba lan ibabawag to so isabi daray opisyales tan “stars” tora, balet inmosil so ABS-CBN tan impakabat to met ya onsabiray “talents” to ed Dagupan – kabansag na “show” na GMA.
Antoey, di naapag so katoowan. Saray arom wadman ed Astrodome no iner “amayagpag” iray kakaiba nen Kapuson Kabog (Orly P. Navarro, manedyer na DZSD Super Radyo-GMA) legan a saray taga ABS-CBN, niman kan nangoyor iray odyens ed CSI The City Mall. Marakep met iyan “laban” ingen ta napepesel iray promdi ed libren “shows” ya aglara kaukulan onlani ed Manila pian nanengneng iray idolo dad telebisyon.
Ni sikamiran walad Media, agmiamtay pangipasenan mi na laman mi, bangta naimanon singa inuna na maslak iran kakaiba so GMA dimad Astrodome tan walay pigaran dinmagop met ed ABS dimad Star Plaza tan CSI.
Baleg a bentahe na Dagupan so onian palyagan daray telebisyon diad rehiyon tayo. Akaonalan angipasen na ridyonal nitwork to (radyo-telebisyon) so ABS-CBN diad Dagupan tan natan onsabimetlay ridyonal nitwork na GMA ed siyudad, onong ed saray opisyales to.
Talaranan tayo iya, kabaleyan ta magmaliw tilan aliwa labatlan Kapamilya no ag ingen, Kapuso met.
Kongratyulesyon ed saray opisyales na sayan duaran angkakabaleg ya telebisyon nitwork ed patuloy ya serbisyo dad luyag! Mabuhay Tayon Amin!
* * * *
Labay toniay kaaron JunVee (si Juanito M. Velasco, ed saray agni makaamta) ya napalinewan iray totoo ya aliwan sikato so “mentor” o “handler” nen kontrobersiyal ya managpalapag Jaime Aquino. Masyadola kono so irap nen JunV ya ipapaliwawan ag nepeg ikabit so ngaran to ed saray aktibidades tan kontrobersiyan lolooban toniay Jaime, a sakey met a kaaro tayo.
Aminen met balet nen JunV, nen sikatoy akatoyaw tayo nen imbeneg a simba ya asabimi so alas-onse ed labi ed tongtong-kansionan, ya sikato so onaan ya apikabatan nen Jaime tan ontan sirin singa sikato so angikabkabat ed lokal ya media ed si JA.
Balet, kuay Jun, in-bitwin na tanggek toy layt beer, say angibangat ed si JA ya mansulat de maninterbyu kadtan – in syort, say trabaho tan kurang ed medya – et anggapoy arom si Ilokanon Orly P. Guirao. Tanger-tanger met yay Orly ya kaolop nen JunV ed saman a labi.
Asobraan balet amo nen Jaime so abilidar to – tan nian pati saray mamaestros to et papalampasan to lara ed popularidad natan. Anggapomet lanti so makaamtay batik na nonot na sakey a too, awa?
Nen Mario F. Karateka
NO agkayoni manisian malet tan malaknab so “laban” daraniay duaran higanten kompanyay telebisyon ed bansa, say GMA 7 tan ABS-CBN, nengneng yo labat so impanpalyagan daranian dua ed sayay impansampot na simba.
Akaonan tua ya angibawag na isabiy Serbisyong Totoo to iyay GMA 7 ta pigay simba lan ibabawag to so isabi daray opisyales tan “stars” tora, balet inmosil so ABS-CBN tan impakabat to met ya onsabiray “talents” to ed Dagupan – kabansag na “show” na GMA.
Antoey, di naapag so katoowan. Saray arom wadman ed Astrodome no iner “amayagpag” iray kakaiba nen Kapuson Kabog (Orly P. Navarro, manedyer na DZSD Super Radyo-GMA) legan a saray taga ABS-CBN, niman kan nangoyor iray odyens ed CSI The City Mall. Marakep met iyan “laban” ingen ta napepesel iray promdi ed libren “shows” ya aglara kaukulan onlani ed Manila pian nanengneng iray idolo dad telebisyon.
Ni sikamiran walad Media, agmiamtay pangipasenan mi na laman mi, bangta naimanon singa inuna na maslak iran kakaiba so GMA dimad Astrodome tan walay pigaran dinmagop met ed ABS dimad Star Plaza tan CSI.
Baleg a bentahe na Dagupan so onian palyagan daray telebisyon diad rehiyon tayo. Akaonalan angipasen na ridyonal nitwork to (radyo-telebisyon) so ABS-CBN diad Dagupan tan natan onsabimetlay ridyonal nitwork na GMA ed siyudad, onong ed saray opisyales to.
Talaranan tayo iya, kabaleyan ta magmaliw tilan aliwa labatlan Kapamilya no ag ingen, Kapuso met.
Kongratyulesyon ed saray opisyales na sayan duaran angkakabaleg ya telebisyon nitwork ed patuloy ya serbisyo dad luyag! Mabuhay Tayon Amin!
* * * *
Labay toniay kaaron JunVee (si Juanito M. Velasco, ed saray agni makaamta) ya napalinewan iray totoo ya aliwan sikato so “mentor” o “handler” nen kontrobersiyal ya managpalapag Jaime Aquino. Masyadola kono so irap nen JunV ya ipapaliwawan ag nepeg ikabit so ngaran to ed saray aktibidades tan kontrobersiyan lolooban toniay Jaime, a sakey met a kaaro tayo.
Aminen met balet nen JunV, nen sikatoy akatoyaw tayo nen imbeneg a simba ya asabimi so alas-onse ed labi ed tongtong-kansionan, ya sikato so onaan ya apikabatan nen Jaime tan ontan sirin singa sikato so angikabkabat ed lokal ya media ed si JA.
Balet, kuay Jun, in-bitwin na tanggek toy layt beer, say angibangat ed si JA ya mansulat de maninterbyu kadtan – in syort, say trabaho tan kurang ed medya – et anggapoy arom si Ilokanon Orly P. Guirao. Tanger-tanger met yay Orly ya kaolop nen JunV ed saman a labi.
Asobraan balet amo nen Jaime so abilidar to – tan nian pati saray mamaestros to et papalampasan to lara ed popularidad natan. Anggapomet lanti so makaamtay batik na nonot na sakey a too, awa?
