24 August 2005
OPINION: Istaring role iray Pangalatok ed Hilo Garci!
SAYAN INDIO
Mario F. Karateka
PUERA labat no burado lad sayan tapew na mundo si datin Komisyoner Virgilio Garcillano, a sayan posibilidad so papagaan nen Senador Ping Lacson lapud anggapometla lanti so balitad si Garci, anggapoy dudak ya naalmo odino onletaw met lamlamang iyan kontrobersiyal ya too.
Agto nayariay man-amot ya mabayag si Garci ta ditad komunidad na arom iran nasyones, anggapoy seselengen tan poprotektaan da. No nalmoy Interpol so panaayaman na datin opisyal na Komilik, anggapoy duaruwan erelen tan ipawil ed Pilipinas iya, laotla no say bansan kawalaan to et walay extradition treaty to ed Pilipinas. Sikatoya so rason no akin et singa agak manisian walad Estados Unidos si Garci ta diman nayarian dan erelen tan pasempeten laya.
Lapud ta saya et ibabagan pinmaway ed bansa panamegley na eroplano ya sinmipot dimad Subic sanen Hulyo 14 ni, ibabagan walay impinonong na pigaran ahensiya laotlay Byuru op Imigresyon pian papawayen ya pian agla makatestigo ed Senado ed gagaween ton imbestigasyon ed samay “Hello, Garci..” wayrtaping. Ke walay amta tod agawa odino anggapo, siyempre si kabaleyan tayon Komisyoner Al Pirnandis natan so walad inka-irirap ta singa ompapaway akapanpaolian so opisina tod saya.
Sanen imbeneg a simba labat, iababaga toni nen datin meyor tayon Al dimad Dagupena ya wadianid bansa si Garcia ta anggaponi kono so rikord na Imigresyon ya walay toon man-ngaran na Virgilio Garcillano ya pinmaway ed saray “major airports tan seaports” na Pilipinas. Singa apalusutan da sirin si Mama Al.
Imbagakni ed sayan kolum tayo nen pigay simba labat so apalabas ya asingsingger a nadawit met si Komisyoner Al kuanko ta sensitibo so puwesto tod Imigresyon no bilbilang makapuslit si Garci; agak aturingan.
Kanian pigaralan taga-Pangasinan o manugang na Pangasinan so natan alanlanor lad sayay drama na “Hello, Garci manlapu nen ginmapo iya: Si Garci mismo (a taga-Balungao), si Heneral Hermogenes A. Ebdane, Jr.,(manugang na Tayug) Heneral Arturo Lomibao (Mangaldan), si Ispiker Dyo de V (Dagupan) ed panpipilit to met ya paeren so krisis ed administrasyon nen GMA, si Arsobispo Oscar Cruz tan anggan si Tabako (Asingan) ed pitutulungan tod si Presidenta Gloria) tan si GMA mismo (apo na Binalonan) say prinsipal ya karakter ed nagagawan krisis politika.
Saray taga-Ibale, mabetbet ya bitbitlaen da iyay “Pangasinan connection” kono ed bengatlan nagagawan isyu ditad gobyerno nasyonal, manlapu la nen panaon nen Presidente Fidel V. Ramos. Kabaliksan to labat siguro ya saray anak na Pangasinan so talagan mangigi-giya ed batik na administrasyon diad sayan nasyon, awa?
Prawd kayo ta—odino andi?
Mario F. Karateka
PUERA labat no burado lad sayan tapew na mundo si datin Komisyoner Virgilio Garcillano, a sayan posibilidad so papagaan nen Senador Ping Lacson lapud anggapometla lanti so balitad si Garci, anggapoy dudak ya naalmo odino onletaw met lamlamang iyan kontrobersiyal ya too.
Agto nayariay man-amot ya mabayag si Garci ta ditad komunidad na arom iran nasyones, anggapoy seselengen tan poprotektaan da. No nalmoy Interpol so panaayaman na datin opisyal na Komilik, anggapoy duaruwan erelen tan ipawil ed Pilipinas iya, laotla no say bansan kawalaan to et walay extradition treaty to ed Pilipinas. Sikatoya so rason no akin et singa agak manisian walad Estados Unidos si Garci ta diman nayarian dan erelen tan pasempeten laya.
Lapud ta saya et ibabagan pinmaway ed bansa panamegley na eroplano ya sinmipot dimad Subic sanen Hulyo 14 ni, ibabagan walay impinonong na pigaran ahensiya laotlay Byuru op Imigresyon pian papawayen ya pian agla makatestigo ed Senado ed gagaween ton imbestigasyon ed samay “Hello, Garci..” wayrtaping. Ke walay amta tod agawa odino anggapo, siyempre si kabaleyan tayon Komisyoner Al Pirnandis natan so walad inka-irirap ta singa ompapaway akapanpaolian so opisina tod saya.
Sanen imbeneg a simba labat, iababaga toni nen datin meyor tayon Al dimad Dagupena ya wadianid bansa si Garcia ta anggaponi kono so rikord na Imigresyon ya walay toon man-ngaran na Virgilio Garcillano ya pinmaway ed saray “major airports tan seaports” na Pilipinas. Singa apalusutan da sirin si Mama Al.
Imbagakni ed sayan kolum tayo nen pigay simba labat so apalabas ya asingsingger a nadawit met si Komisyoner Al kuanko ta sensitibo so puwesto tod Imigresyon no bilbilang makapuslit si Garci; agak aturingan.
Kanian pigaralan taga-Pangasinan o manugang na Pangasinan so natan alanlanor lad sayay drama na “Hello, Garci manlapu nen ginmapo iya: Si Garci mismo (a taga-Balungao), si Heneral Hermogenes A. Ebdane, Jr.,(manugang na Tayug) Heneral Arturo Lomibao (Mangaldan), si Ispiker Dyo de V (Dagupan) ed panpipilit to met ya paeren so krisis ed administrasyon nen GMA, si Arsobispo Oscar Cruz tan anggan si Tabako (Asingan) ed pitutulungan tod si Presidenta Gloria) tan si GMA mismo (apo na Binalonan) say prinsipal ya karakter ed nagagawan krisis politika.
Saray taga-Ibale, mabetbet ya bitbitlaen da iyay “Pangasinan connection” kono ed bengatlan nagagawan isyu ditad gobyerno nasyonal, manlapu la nen panaon nen Presidente Fidel V. Ramos. Kabaliksan to labat siguro ya saray anak na Pangasinan so talagan mangigi-giya ed batik na administrasyon diad sayan nasyon, awa?
Prawd kayo ta—odino andi?
Comments:
Post a Comment
<< Home
<< Home
